今日世盃外亚洲区战火重燃，当中D组赛事，两战皆北嘅中华台北主场迎战吉尔吉斯。两队实力虽然有一定差距，不过吉尔吉斯经过亚洲盃分组赛惨痛出局後，球队正重新进行改革，面对有主场之利兼斗志十足嘅中华台北，赢波阻力唔细，一於博2.5球入球细。（on.cc东网周四下午4时直播）
中华台北为备战世盃外做足准备，早前进行3阶段集训，喺中超效力嘅陈柏良等都有参加，相当认真。佢哋虽然想喺小组出线机会唔大，不过胜在斗志十足，主场出击往往有唔错表现，上轮迎战榜首马来西亚，亦只系仅负0比1，预料会为吉尔吉斯带来一定麻烦。
仲有一点要留意，中华台北今仗唔系安排惯常嘅台北田径场或者高雄体育场，而系转去较为狭小嘅楠梓球场，用意相当明显，希望凭住场地较细嘅特点，尽量守和对手攞分，甚至睇吓有冇机会偷鸡。
