今轮英超压阵戏上演中游大战，韦斯咸主场斗宾福特。韦斯咸近8场不胜愈踢愈沉，包括最近3连败，要求主帅莫耶斯离开嘅声音愈嚟愈大，今场主场可能更绑手绑脚。宾福特自艾云东尼复出後，球队火力回归，作客照攻，近5场作客4次先开纪录，推介宾福特第一队入球。（Now 621周二凌晨4时直播）
韦斯咸其实一向都系中游分子，依家排第9算系恰如其份，只不过早几年上过第6及第7，有得踢欧洲赛，前年欧霸入4强，旧年欧协联仲攞埋冠军，球迷个胃口自然喂大咗。
不过「锤仔帮」近期颓到爆，近8场不胜，包括最近3连败，有5场「食白果」。输畀曼联同阿仙奴情有可原，但两连败搞到队波沉晒，上周作客森林又吞两蛋，「Moyes Out」呼声冇停过，主场出击平时就系好处，但今日反而令球队压力更大，如果畀自己球迷嘘仲冇瘾，想赢又怕输，肯定踢到绑手绑脚。佢哋最大问题系攻不锐、守不稳，入唔到波之余，近7场都有失波，当中近4仗全部先失守。
