去片睇文仙尼失落自己提早离场
周三(31日)凌晨亚洲盃16强,沙特阿拉伯踢到补时9分钟,被南韩逼和1比1,最终互射12码败落出局,沙特主帅文仙尼嬲爆,未等射完12码,就提早离场,似乎已经意兴阑珊,可能打算辞职。
两队互射12码期间,南韩领先3比2,仲未知胜负谁属,文仙尼就自己一个人步入球员通道,似乎已经打定输数,最终沙特阿拉伯果然落败,莫非呢位59岁意大利名帅有未卜先知能力?
赛後文仙尼话:「我本来唔想走,但南韩有2次主射机会可以胜出,我预计比赛已经结束,我需要道歉,并感谢球员嘅努力,比赛有胜负,我哋今次喺带有运气成份嘅互射12码输咗。」