英足盃第4圈，「红魔鬼」曼联登场，作客英乙球队纽波特郡，计实力曼联稳胜，但实情唔系想像中咁易踢。纽波特郡近7场不败，其中6场上半场都保持不失，证明佢哋初段守得两嘴，曼联锋力排英超尾4，入球波都好辛苦，加上佢哋近4场英足盃对非英超球队半场全开1球或以下，1.5球半场细有计。（无綫myTV SUPER周一凌晨零时30分直播）
虽然坦哈格话曼联今季仲要争英足盃同英超两项锦标，但其实佢哋英超基本无望，英足盃成为下半季唯一奋斗目标，难得嘅系签运唔错，上圈抽到英甲韦根，结果轻松赢2比0，今圈抽到更低组别嘅纽波特郡，更有两星期时间休息，日前嘅热身赛对般尼虽然输波，但劳基梳尔、哈利马古尼、卡斯米路、利辛度马天尼斯都有落场，安东尼马菲奥斯仲有波入，球队上下对今场高度重视。
曼联门将虽然焗用比恩迪亚把关，但相信佢会好过奥拿拿，双中坚华拉尼同利辛度马天尼斯终於再度合作，加埋防中卡斯米路，防守够晒稳健，不过锋线仍然系用海伦同阿历真度加拿祖，拉舒福特今仗可能缺阵，今仗入波唔慌多。
