亚洲盃B组赛事，由叙利亚对澳洲，两队实力上有明显差距，预料澳洲可以压倒性围攻对手。澳洲经过首场分组赛适应後，进攻流畅度将会提升，尤其进攻核心拉利麦基尔伤愈，相信有力击破叙利亚防线，半场客胜值得捧场。(HOY TV 76台周四晚上7时30分直播)
澳洲上场以2比0轻取印度，睇得出球员早段仍未适应，特别系最後一脚经常操之过急，面对「泊大巴」嘅印度，拎到超过7成嘅控球率，录得27次攻门纪录，以「袋鼠军团」嘅强大控制力同创造力，今仗只要踢番正常水准，入波绝对冇难度。
效力米杜士堡嘅拉利麦基尔啱啱伤愈，上场後备入替即交出助攻，佢嘅突破同创造力系撕破密集防线嘅最佳武器，今场预料可以正选上阵，澳洲锋力如虎添翼。澳洲擅长早段抢攻，近5场比赛有4场喺半场领先，今仗将会照办煮碗抢攻，希望先发制人。
