宾福特周三(17日)宣布，成功向热刺借用西班牙左闸利古朗到季尾，亦系呢位27岁球星今季第2次被外借。利古朗季前被外借到曼联，不过「红魔鬼」对佢表现似乎唔太满意，月初选择「弹钟」提早终止借用，宾福特领队法兰克亦叫利古朗要借今次机会，证明自己实力。
利古朗今次外借宾福特半季，合约并冇买断条款，法兰克表示：「呢单系好好嘅交易，我哋一直话需要签左闸，结果签到个非常出色嘅左闸。利古朗同宾福特系完美配合，佢进攻力强、传中出色、经验丰富，有好纯熟嘅左脚。宾福特需要佢，但我觉得佢都需要宾福特，一个可以畀佢证明自己系好球员嘅地方，今次交易系双赢。」
