今届世界足球先生竞争系史上最激烈，球圈普遍认为「3冠王」夏兰特得奖更「合理」，但结果出人意表，美斯同艾宁夏兰特喺4个投票界别中各赢2个，同得48分情况下，决胜负方法系由「队长首名票」决定，而美斯正正喺国家队队长票选中赢出而封王。
美斯赢嘅系「队长票」同「球迷票」，粉丝众多嘅美斯赢出球迷投票系意料中事，但估唔到「同行」嘅国家队队长都倾向美斯。根据国际足协公开嘅投票结果，就连阿根廷队长美斯自己都「大公无私」咁投夏兰特第1名，不过「球王」魅力没法挡，哈利卡尼(英格兰)、基利安麦巴比(法国)、卢卡古(比利时)等都投美斯，而利物浦3星华基尔云迪积克(荷兰)、安德鲁罗拔臣(苏格兰)同穆罕默德沙拿(埃及)，亦清一色将美斯摆第1名。
