虽然艾宁夏兰特喺世界足球先生竞逐饮恨，不过曼城照做颁奖礼嘅最大赢家，哥迪奥拿获选为「最佳教练」、艾达臣摩拉斯就当选「最佳门将」，而喺「最佳11人」入面更有多达6位曼城球员，夏兰特至
少唔系空手而回。
带领曼城做「3冠王」嘅哥迪奥拿，毫无悬念获选为最佳教练，而且艾宁夏兰特、基尔获加、史东斯、鲁宾戴亚斯、贝拿度施华同奇云迪布尼6名曼城球员，顺利入选最佳11人，奇怪嘅系巴西门将艾达臣摩拉斯并冇入围(输畀泰拔高图尔斯)，但就拎到最佳门将奖项。
哥迪奥拿上台领奖後，主持亨利问：「对上一次有6个同队球员入最佳11人，就系你2010年教嘅巴塞隆拿...你觉得当年巴塞同今年曼城比较，边队劲啲？」哥帅就得体回应：「好难比较，两队都好神奇，当年巴塞好年轻、呢队曼城每一季都显示争冠力量，我每朝起身就系为梦想做好准备，呢个奖系我做领队嘅最大成就。」
国际足协颁奖礼得奖名单
最佳男子球员：美斯
最佳女子球员：邦玛迪
最佳男子教练：哥迪奥拿
最佳女子教练：威格曼
最佳男子门将：艾达臣摩拉斯
最佳男子门将：玛莉伊丝
公平竞技奖：巴西男子国家队
普斯卡斯奖：古靴美
【FIFA最佳11人】
泰拔高图尔斯
基尔获加●史东斯●鲁宾戴亚斯
贝拿度施华●奇云迪布尼●祖迪比宁咸
