英足盃第3圈重赛，英冠嘅布里斯托城主场挑战英超韦斯咸，两队上次交锋踢成1比1，重赛对伤兵满营兼赛程紧密嘅「锤仔帮」绝对系最差结果。韦斯咸攻击线伤嘅伤、走嘅走，要咬入布里斯托城严密防线唔容易，今仗博2.5球入球细稳阵。（无綫myTV SUPER周三凌晨3时45分直播）
韦斯咸今季兼顾联赛同欧霸盃，密集赛程下开始出现疲态，上仗迎战布里斯托城被逼和之余，仲有卢卡斯柏基达同查洛保云受伤，前者据报伤势严重可能要抖两个月，查洛保云足踝受伤唔算严重，但今仗多数都唔踢得，加上箭头米查利安东尼奥操练时又受伤，古达斯离队踢非国盃，「锤仔帮」前面冇晒人，连原本将被外借嘅丹尼艾格斯都要暂时留低帮手。
