爱华顿季前由维拉利尔借用荷兰前锋哥尔尼维特，但呢位26岁球星表现麻麻，传闻球会希望今个月「退货」，领队戴治日前证实曾经搵佢「照肺」，不过就唔系讲有关去留嘅问题，而系问佢点解要坐8分钟嘅「超短途机」去练波！
哥尔尼维特重返英超後，住喺曼彻斯特附近，每日飞去相距48公里嘅利物浦练波，呢位荷兰球星竟然选择搭飞机，机程只需要8分钟。戴治表示：「我搵佢倾过呢个问题，由曼彻斯特机场坐飞机去利物浦机场练波真系好夸张，但呢啲就系现代球员......我个人系会选择坐车。不过大家都知道，佢哋要照顾自己，尽量争取休息......」
