阿仙奴喺英足盃出局之後，要等到1月20日晚上先至再有赛事，出战英超主场对水晶宫，兵工厂主帅阿迪达趁空档，拉大队去天气温暖嘅杜拜集训，并采取「温馨政策」，容许球员带家人同行，希望用「爱」令球员建立正面情绪。
阿仙奴遭受3连败，唔止英足盃出局，英超亦已落後榜首利物浦5分，领队阿迪达早前表示，球员需要获得更多爱，可助兵工厂重回正轨。呢位西班牙少帅果然言行一致，今次杜拜之旅集训，邀请球员家人同行。由於伦敦天气寒冷，阿仙奴今次选择去杜拜集训，希望球员喺舒适环境之下练波，可以尽快提升状态，亦有渡假意味，畀佢哋稍为放松心情休息「充电」，加上仲有家人陪伴，效果更佳。
