随住朗尼早前被伯明翰炒鱿、谢拉特喺沙特执教成绩差劲，英格兰「黄金一代」唔识教波成为球迷热话，唯一曙光就系米杜士堡领队卡域克，呢位英格兰名将之前做曼联看守领队、上季执教米杜士堡都有杰出表现，据报唔少英超球会都吼实佢嘅发展，再战英超只系时间问题。
《The Athletic》最近盘点英格兰「黄金一代」教波表现，朗尼、林柏特、谢拉特、加利尼维利、史高斯等全部唔合格，不过42岁嘅卡域克就得到好评，佢2021年短暂执教曼联3场拎到2胜1和，场均2.33分成绩系费格逊後曼联最高分领队；上季执教米杜士堡，将球队由21位带到去升班附加赛，可惜最後功亏一篑；今季卡域克已率米杜士堡杀入英联盃4强，有望制造奇迹。
