英格兰名将朗尼上年10月回归英伦，执教英冠球队伯明翰，不过经历「灾难性」82日後，周二(2日)惨被炒鱿。连同谢拉特、林柏特、加利尼维利、史高斯、苏甘保等等，曾号称「黄金一代」嘅英格兰名将教波冇个掂，令人失望。
朗尼上任嗰阵伯明翰排英冠第6位，但元旦日(1日)吞列斯联3蛋後，朗尼领军15场只得2胜4和9负，跌到落尾5面临降班危机，伯明翰亦宣布同佢提前解约。朗尼被炒後发声明亦充满怨言：「好多谢伯明翰畀机会我，足球系成绩行先，球队表现亦未达我要求嘅水平，但一个领队最需要嘅系时间，我唔相信13个星期时间系足够制造我想要嘅改变，我会消化呢次打击，用时间陪下屋企人，准备下一个机会。」
