英国富商拉特克利夫正式接掌曼联足球业务，领队坦哈格嘅帅位无疑系最受关注话题，据英国多间媒体报道，拉特克利夫目前并冇计划换帅。不过，历史显示新老细上场後，原有领队多数「摆唔得耐」，尤其曼联今季成绩大跌，如果坦哈格未能趁呢段「过度期」尽快反弹，帅位岌岌可危。
消息指拉特克利夫有唔少大计，但目前忙於安顿董事局等加入事宜，加上坦哈格上季帮曼联拎到嘅好成绩，所以换帅唔会排喺优先考虑工作。坦哈格帅位暂时保住，但角色亦会有所改变，依家会专注教练工作，转会大权将交番畀拉特克利夫班底处理，特别系曼联近2年嘅收购都受到拉特克利夫质疑。
