眨吓眼「寸王」摩连奴被曼联炒鱿已经5年，近日摩帅喺一个节目《Obi One》讲到曼联，佢咁讲：「曼联有佢哋喺度，永远唔会成功。」
摩连奴一向心直口快，佢不点名批评曼联球员：「我喺曼联时，就同会方表明态度，有呢啲球员喺度，永远唔会成功，而当初我要求出售嘅几位曼联球员，有两个仍在队中。」
《太阳报》根据摩连奴所讲，搵出5年来仲喺曼联嘅球员只有4人，分别系劳基梳尔、麦汤米尼、安东尼马迪尔，同埋拉舒福特。
摩连奴曾经批评过劳基梳尔，但对方好快证明自己，并获得摩dad赞扬，话佢「有进步同肯付出，前途光明」，至於麦汤米尼系摩dad提拔上一队，亦可排除。
