阿根廷「球王」美斯向来被视为模范老公，同青梅竹马嘅洛古丝素结婚兼有3个细路，组织幸福家庭。不过近日有巴西媒体爆料，指控美斯背住洛古丝素，同阿根廷靓女记者苏菲亚马天尼丝「有路」，美斯夫妇并冇回应，估唔到最终由法比加斯老婆Semaan出嚟澄清。
巴西媒体《Direto Do Miolo》爆料，美斯婚姻出现重大危机，因为美斯背住老婆搭上阿根廷女记者苏菲亚马天尼丝，据报两人早前喺金球奖已经眉来眼去，甚至引述西班牙传媒消息，话美斯夫妇可能已经分居。不过，作为美斯一家「闺密」嘅法比加斯老婆Semaan，日前就抢先辟谣：「呢间系乜嘢媒体？报埋啲冇意思...而且冇样真嘅报道。」
