法国球星宾施马去年卡塔尔世盃後退出国家队，今夏再离开皇马去沙特搵食，完全离开欧洲过新生活，近日国际赛趁得闲，就喺利雅德一个论坛表示，沙特已经成为佢第2故乡，会全力帮助当地发展足球。
35岁嘅宾施马今夏离开皇马转投伊蒂哈德，实行喺沙特联赛同艾纳斯嘅C朗拗手瓜，至今上阵13场入9球4助攻，同其他心系欧洲嘅球星唔同，宾施马瞓晒身去沙特，并向沙特表忠，强调沙特系佢第2故乡。
近日佢喺当地一个论坛表示：「我嚟沙特系因为呢度有个重大计划，我希望成为当地球员榜样，将我嘅经验传授出去，我视沙特为第2故乡，嚟呢度唔单止为踢波，仲会全力帮助沙特发展足球。」
