车路士上仗英超戏剧性4比4逼和曼城，倒戈嘅高尔彭马喺补时射入追平12码成为英雄，其实「调转枪头」嘅唔止高尔彭马同史达宁，曼城中场高华锡今夏亦由车路士过档，不过有网民发现，佢喺高尔彭马入波後疑似握拳庆祝，唔少车迷都指佢系「身在曼城、心在车仔」。
车路士今夏大换血，效力球队4年嘅高华锡亦被卖去曼城，不过今场面对旧主，当高尔彭马射入4比4入波後，高华锡随即转身握实左拳疑似庆祝。英国《太阳报》引网民留言：「高华锡仍然系车路士一份子」、「高华锡庆祝车仔入波，佢系真正车路士人」、「天呀！请带佢返车路士」、「曼城可以买到佢个身，但买唔到佢嘅灵魂」......
