曼联自从弃用迪基亚签入门将奥拿拿後，成绩极度不稳，失球数字暴增，受到各方批评同讽刺，奥拿拿更被形容为「计时炸弹」，直至近日奥拿拿表现刚回稳，曼联官方立即播出佢嘅专访，呢位喀麦隆门将竟形容自己系「现代型门将」，仲话「唔怕犯错」添！
奥拿拿表示：「现代足球有好多转变，喺过去20年，门将位置都变咗好多，守门员就好似踢多一个，依家好多球队都咁样用守门员。」
就算之前多次出事，奥拿拿都冇有怕：「我认为自己系现代型门将，我唔怕犯错，唔怕冒险，我踢波方式正系我加盟曼联嘅原因，呢度系世界最佳球会之一。我唔会放弃，就算再犯错，都会继续前进，因为犯错系生活一部分。」
