今周英超重头戏非纽卡素主场迎战，喺联赛唯一未输过嘅阿仙奴莫属，大家喺周中联赛盃都有出赛，但喺赛果就大大不同，纽卡素轮换下清风送爽扫走咗曼联，而阿仙奴发挥一般下输咗畀同市球队韦斯咸，表现有少少令人失望。
纽卡素对住曼联一役，领队艾迪侯域战术相当清晰，球队上上下下加埋7位球员需要养伤或者停赛，所以艾迪侯域要调教球队战术，要求球队放弃控球，等曼联主导比赛，所以纽卡素控球比率低过40%，但最後利用球队嘅快速反击以3球大胜曼联，我估计艾迪侯域今场都会沿用呢套战术，希望以稳守突击战术，击败阿仙奴拎呢宝贵嘅三分。
