英超8轮有国际赛空档，名嘴加利尼维利为曼联做个小总结，佢认为「红魔鬼」表现比佢预料嘅差好多，今季想排前5名都有困难，评论相当悲观。
虽然曼联上场英超神奇反胜宾福特，避过主场3连败，但整体表现有目共睹，加利仔指出：「曼联表现比我预料嘅差好多，我唔觉得佢哋今季可以排前5名，而且距离呢个位置好远。曼联有好多问题，门将问题系其中之一，奥拿拿应该救到宾福特个失波。」
加利仔继续指出问题所在：「如果门将适应唔到球队，加上曼联後防线本身嘅问题，会对球队造成好大影响，我踢曼联时期就遇过类似情况，所以今季曼联成绩唔会好，就人脚阵容而言，车路士都比曼联好。」
