英超4队不败之师，其中两队热刺同利物浦今个星期就会对碰，唔知又会唔会少一支不败球队呢？
热刺呢期的确唔错嘅，上个礼拜打和阿仙奴，孙兴民个人连入两球状态继续火热。中场占士麦迪臣非常独到嘅传送，近6场联赛交出5个助攻，所以孙兴民就唔惊冇入波嘅机会。加埋比苏马喺中场超广泛嘅覆盖率，其他队友真系可以放心进攻。今届热刺唔使打欧洲赛，英联盃又已经出局，以逸待劳之下，对住其他前列球队唔需要一周双赛已经着数好多。上场对住阿仙奴就系一个好例子，去到尾段热刺班球员仲有力搏埋佢，反而要打欧联嘅阿仙奴班球员好似已经跑唔起。即管睇吓今场对住周中踢完英联盃嘅利物浦，会唔会有同样嘅战局。
