欧霸盃B组首轮赛事，「海鸥」白礼顿主场火并AEK雅典。白礼顿开咧後弗到漏油，在主帅迪萨比麾下以攻代守，首度征战欧洲赛更加唔会缩，面对防守不稳嘅AEK雅典实多波入，3.5球入球大咪错过。（Now 644周五凌晨3时直播）
白礼顿凭上季於英超排喺第6位，而获得直入今届欧霸分组赛入场券，亦系佢哋首度参加欧洲赛，当然唔想失威。白礼顿今季持续勇态，开咧後5仗联赛录4胜1负，包括连挫纽卡素同曼联。
「海鸥」赢波之余亦踢出风格，主帅迪萨比崇尚进攻，虽然今夏卖走阿历斯麦亚里士打同摩西斯卡些度，但总会留有後着，达侯特、比利基莫亚等「代替品」亦表现唔曳，最恐怖系无论用乜嘢人，都唔会影响到迪帅嘅进攻风格，例如新星前锋艾云费格逊刚伤愈未弗，上仗对曼联改用韦碧克照入波兼交足货，「三球王」三笘薰喺边路话过就过，如入无人之境，难怪近5仗狂轰15粒，全开4球或以上，比榜首曼城仲多1球，火力冠绝英超。
