利物浦今个夏天进行大换血，「红军」王朝面临更替，过去6年嘅王牌球星穆罕默德沙拿亦跌落神坛。根据利物浦官方嘅波衫销售统计，过去2季「卖衫王」沙拿今季跌落第2位，匈牙利中场苏保斯拉尔嘅8号波衫成为最受球迷欢迎球衣。
埃及前锋沙拿一直系利物浦英雄，不过今季受到转会传闻影响，有指佢最迟明年夏天就会去沙特阿拉伯搵食，「红军」球迷亦开始物色新偶像，今夏由RB莱比锡加盟嘅苏保斯拉尔，短时间内就赢取球迷欢心，佢件8号波衫力压沙拿，成为今季「卖衫王」No.1。
夏天另一新兵阿历斯麦亚里士打，10号波衫亦即刻登上第3位。喺改朝换代嘅背境下，唔少旧将都排名下跌，包括路易斯迪亚斯(跌4名)同华基尔云迪积克(跌3名)，堤亚高艾简达拿同哈维艾利洛更加跌出10大，不过门将艾利臣比加就突然杀上第7位，考虑到龙门衫向来冇咁多人买，艾利臣嘅上榜就证明佢坚受欢迎。
利物浦今季10大卖衫王
1 苏保斯拉尔
2 穆罕默德沙拿
3 阿历斯麦亚里士打
4 阿历山大阿诺特
5 达云纽尼斯
6 路易斯迪亚斯
7 艾利臣比加
8 华基尔云迪积克
9 加普
