曼联今个夏天斥资7,200万镑(约7.2亿港元)收购丹麦前锋海伦(前译贺兰特)，上场联赛首演踢23分钟畀人印象唔错，力量同速度兼备，不过佢嘅前度教练摩路斯近日受访，就将海伦同另一前英超前锋宾特拿相比，认为海伦嘅足球天份唔够宾特拿！
海伦12岁嗰阵效力嘅第1间球会HUI，当时教练就系摩路斯，两人之後去到邦比亦继续合作，摩路斯对海伦嘅能力当然熟悉，佢表示：「海伦最好嘅比较，就系曾经系潜质巨星嘅宾特拿，佢哋都系9号球员，而且非常强壮兼充满灵光，性格都系外向兼古灵精怪。」
宾特拿曾效力阿仙奴长达10年，摩路斯比较後表示：「宾特拿嘅天份比海伦更高，但呢个亦系佢做事唔够认真、容易受到外界影响嘅原因，从而令佢唔能够跻身巨星行列。海伦完全唔同，我肯定佢会搵好多钱，但佢好有纪律同有成熟思想，努力带领佢行到今日。」
