周日(10日)凌晨欧国外C组赛事，英格兰只能1比1逼和乌克兰，分组赛连胜走势断缆。今季喺曼联长居後备嘅哈利马古尼，继续为英格兰正选上阵，但佢喺失波一刻重演「盯队友」经典，骑呢走去揽住中坚拍档马克古希，成为球队失分罪人。
乌克兰今仗喺波兰做「主场」，不过英格兰全场控制大局，估唔到乌克兰26分钟全场唯一一次中目标攻门就入波，当时高路比恩右路突破後传中，原本喺中路镇守嘅哈利马古尼，突然冲去揽住拍档马克古希，结果中门大开下被辛真高後上轻松射入。
英格兰企稳阵脚後继续进攻，41分钟由基尔获加接应哈利卡尼长传射入，亦系佢喺英格兰国家队第1个入球。换边後英格兰继续强攻，布卡约沙卡曾劲射中楣，但面对乌克兰死守始终入唔到波，最终1比1握手言和。英格兰仍以5战4胜1和成绩排榜首，乌克兰4战7分排第2位。
