今季首度征战英超嘅卢顿，因为主场翻新工程拖延，上轮联赛对般尼被逼延期，消息指凯尼沃斯路球场经过连日赶工，进度已经大大提升，下周中英联盃主场对基宁咸有望喺局部开放下进行，预计9月2号对韦斯咸会首度喺英超主场亮相。
卢顿嘅凯尼沃斯路球场喺1905年兴建，唔少设施都非常残旧，而且唔仲未附合英超规定，所以卢顿升班後即斥资1,000万镑(约1亿港元)，包括重建其中一面看台，加入球员通道、媒体室等，原本打算英超开咧前搞掂，但因为工程延误，搞到上场联赛都要申请延期。
据卢顿球迷网站图片，凯尼沃斯路球场近日已安装全新蓝色座位，楼梯同通道已差唔多完工，卢顿官网公布对基宁咸一仗嘅波飞安排，亦有销售重建看台以外嘅其他位置波飞，预示卢顿好大机会喺今季首度主场出击。
