韦斯咸喺英超主场3比1打爆车路士，挂住「英超史上最贵球员」头衔嘅摩西斯卡些度，地标战输12码兼输波，相反「锤仔帮」用3,000万镑(约3亿港元)收购嘅禾特普斯，首演即交出2次助攻，获一致大赞系「超值」收购。再次证明转会费多少唔系问题，最紧要系啱唔啱用。
韦斯咸夏天以1.05亿镑(约10.5亿港元)卖走迪格兰赖斯，球队决定向修咸顿签禾特普斯做代替，佢今场先用角球助攻开纪录，下半场再交长传畀米查利安东尼奥入波，成为韦斯咸史上首个「地标战」交2次助攻球员，领队莫耶斯赛後表示：「我觉得佢性格同迪格兰赖斯相似，系人都知佢交波劲、助攻多，佢喺韦斯咸有个好好嘅开始。」
