英格兰职业球员公会（PFA）周四(17日)公布22/23球季各奖项候选名单，最高殊荣嘅「英格兰球员先生」6人候选当中，曼城有艾宁夏兰特、奇云迪布尼同史东斯入选，不过西班牙中场洛迪卡斯简迪冇份就令人意外，唔少网民都话洛迪冇份系「冇天理」。
英格兰球员先生系由各级别球员投票选出，今届系第50年举办，不过唔少球迷对洛迪冇份就非常不满，纷纷留言批评：「洛迪冇份，但冇冠军嘅沙卡、奥迪加特入围？贪污！」、「一系加第7个候选人，如果唔系就是但踢走一个畀返洛迪入选」。除曼城3子外，另外3个候选人系布卡约沙卡、马田奥迪加特同已转会拜仁慕尼黑嘅哈利卡尼。
