热刺射手哈利卡尼已经转投拜仁慕尼黑，会方急需要签入前锋接替佢嘅位置，白礼顿新星艾云费格逊成为热刺收购目标。
年仅18岁嘅艾云费格逊上季火速上位，为白礼顿上阵25场射入10球，包括上年12月对阿仙奴一役建功，令佢成为白礼顿史上最年轻英超入波球员。今季首轮英超，艾云费格逊立即有波入，协助白礼顿以4比1大胜卢顿。此外，艾云费格逊为爱尔兰国家队上阵6次有2球进帐。
白礼顿名宿格连梅利大赞身高1米88嘅艾云费格逊潜力无限，将来可以达到哈利卡尼嘅水平：「艾云嘅身型高大，各项能力都非常优秀，最令我惊讶系佢作为年轻人，却非常谦虚，好多新星成名之後，受到金钱同名利影响，导致迷失，但艾云专注踢波，佢想成为职业球员嘅典范，我相信佢可以达到哈利卡尼嘅水平。」
