女子世盃H组最後一轮，原本被睇好可以轻松首名出线嘅德国女足，今仗决战南韩女足竟然系出线生死战，佢哋依家同摩洛哥女足同得3分，不过德国女足喺得失球领先10球，今场只需要稳阵赢波，就好大机会出线，唔使急於抢攻，半场细拣得过。（now 630周四晚6时直播）
德国女足上轮被哥伦比亚女足绝杀，小组首名已经唔喺掌握之中，依家最重要系保住出线权，由於佢哋首仗曾6比0大炒摩洛哥女足，同分嘅话亦极大机会赢得失球，所以只要赢波就稳阵，加上今仗对手系两战全败兼吞3蛋嘅南韩女足，德国女足要赢唔难，翻查往绩，德国女足近3次对亚洲球队全部获胜，半场全开1球或以下，今场客W欠分头，一於再捧1.5球半场细。
另一场哥伦比亚女足对摩洛哥女足，「神奇球队」哥伦比亚女足只要拎1分就足够首名出线，踢法上会以稳为先。连续两场入波嘅前锋莲达卡丝杜，上场尾段因体力问题一度晕倒，今仗可唔可以披甲仲系未知数，势必影响球队入球能力。
