美斯1个半月前宣布将会加盟国际迈亚密，呢间美职球会周日(16日)官方宣布，美斯「正式」签2年半合约加盟，一如所料将会着上10号波衫。班主碧咸兴奋表示，美斯嘅加盟令佢10年前嘅承诺得以兑现。
美斯周一(17日)喺国际迈亚密亮相前，正式同国际迈亚密签约至2025年，年薪约6,000万美元(约4.68亿港元)。美斯喺声明入面表示：「好兴奋可以喺美国同迈亚密展开生涯新一页，呢个机会千载难逢，我哋会一齐做好呢个计划。」
国际迈亚密班主碧咸就话：「10年前，我开始筹备建立国际迈亚密，当时我话要将世界最伟大球员带嚟呢个美丽城市，今日呢个梦想终於成真，得到美斯呢种级数球员加盟，令我觉得无比光荣，好欢迎美斯一家加入迈亚密大家庭。」
