卢卡古近日成为转会市场笑料，佢先後同国际米兰、祖云达斯同沙特斟介，结果3家都唔讨好之余，周一(17日)被车路士勒令召回练波，唔使去美国集训，等佢谂清楚自己想去边。
今夏卢卡古同经理人频频放料，搞到自己好似好多球队争咁，最先系沙特嘅希拉尔，对方只系开出2,000万镑(约2.04亿港元)年薪，但卢卡古竟然要求9,000万镑(约9.2亿港元)，所以倾唔成。
近期卢卡古游走於国米同祖记之间，其实国米已经好有诚意，向车路士开价3,000万镑(约3.06亿港元)转会费，但期间「渣古」一度失去联络，随即传出祖记开价3,500万镑(约3.57亿港元)斟介，激嬲晒全世界。
