英格兰U21喺今届U21欧国盃表现突出，领队卡斯利将唔少球员改造成功，其中由曼联青训出身嘅安祖高美斯，今届改踢「6号」防守中场位置表现突出，呢位效力里尔嘅英星亦表示已搵到最佳位置，希望成为「新史高斯」。
安祖高美斯喺曼联出道嗰阵系「10号」，以脚法、传送同眼界见称，今届佢出现喺英格兰4人防线前面令球迷惊讶，其实佢上季喺里尔亦客串过呢个位置。安祖高美斯表示：「其实我内心仍然系一个『10号』，但好多名将都系由攻击中场改踢防中，好似沙维、恩尼斯达、史高斯、派路等等，喺後场我可以用传送同组织嚟帮助球队，我好享受呢个位置。」
