巴黎圣日耳门(PSG)球星基利安麦巴比，喺法国球坛地位举足轻重，亦不时传出「霸道」嘅负面消息，最近佢又卷入争议，而且今次连麦巴比阿妈拉玛莉都有份！据报麦巴比母子近期成立经理人公司，而且仲不断进行挖角，PSG队友阿舒拉夫嘅经理人就批评佢哋「搞乱市场」。
据法国传媒报道，麦巴比母子早前成立经理人公司，而且不断挖角球星加盟，阿舒拉夫盛传会系佢哋首个「客仔」，不过阿舒拉夫现任经理人卡马奴就否认，而且仲向拉玛莉开火：「我好震惊，因为佢系一个超级球星嘅妈妈，佢就有权搞乱市场？拉玛莉喺呢个经理人市场系『零』，冇做过任何交易、零经验，只系拎住麦巴比妈妈个名就足够？我觉得佢对呢一行缺乏尊重。」
