因饰演「蜘蛛侠」而深入民心嘅英国男星Tom Holland，系着名嘅热刺忠实球迷，不过佢近日接受《UNILAD》访问，除咗大谈佢嘅荷里活事业，亦发表对爱队热刺嘅感受，最「爆」嘅系佢竟然叫哈利卡尼快啲加盟皇家马德里，而且仲要带埋孙兴民，唔好留喺热刺抱憾！
Tom Holland一直系高调热刺迷，上年就曾经呼吁基利安麦巴比加盟热刺，但系随住热刺表现持续低沉，「蜘蛛仔」亦心灰意冷，表示支持热刺本身系一件好困难嘅事，而且球队多年无冠，球迷都练出无比韧力同忍耐力，不过讲到偶像哈利卡尼，「蜘蛛仔」就叫佢唔好再等。
被问到有咩想同哈利卡尼讲，Tom Holland直接表示：「去马德里啦！去成为世界最佳球员，你值得嘅！」Tom Holland再承认孙兴民系佢最爱球员，佢同样寄语老孙：「跟埋哈利卡尼走啦！一齐走，一齐赢个欧联冠军返嚟，唔该晒！」
