欧国外B组将上演强弱悬殊之战，由直布罗陀主场对住劲旅法国。直布罗陀系正宗「冇骨鱼腩」，法国虽有王牌基利安麦巴比助阵，但客场出击总系比较慢热，随时下半场先嚟料，2.5球嘅半场细乃明智之选。（周六凌晨2时45分开赛）
今仗用强弱悬殊嚟形容绝不为过，直布罗陀依家世界排名第201位，法国则位居第2位，争成廿几条街咁滞，就算波系圆嘅，但直布罗陀今仗爆冷嘅机会，只得渺茫同冇机会。
虽然直布罗陀系正宗「冇骨鱼腩」，但佢哋喺上年年尾热身赛连赢列支敦士登同安道尔，系有少少进步，呢班波於比赛初段有气有力时，仍有一定顽抗能力，每每系去到下半场先崩溃，例如上轮净吞荷兰3蛋，上半场只系落後1粒，虽败不辱。
