英甲升班附加赛决赛，班士利同锡周三喺温布莱球场对垒，争夺升上英冠最後1个席位。鍚周三喺附加赛4强死过翻生，落後4球都可以神奇反胜，全队球员士气高昂，今场会食住个势强攻班士利，好大机会再上演大手交易，中位数2.5球入球大可以放心捧场。（有线601、661台周一晚10时直播）
猫头鹰锡周三喺联赛排第3位，仅仅错过直接升班资格，佢哋喺附加赛赢得好惊险，首回合对彼德堡惨吞4蛋，势估唔到次回合连追4球，最後仲喺互射12码赢埋，呢啲神奇反胜对球队士气有极大帮助。由戴伦摩亚执教嘅锡周三踢法进取，近8仗有7场总入球开3球或以上，当中6仗顺利赢波，可见主攻战术成效极佳，相信今场会保持呢种进取踢法。
班士利喺4强1球淘汰保顿，但佢哋近况其实麻麻，近5场比赛只得1胜，而且合共失咗10球，防守畀唔到人信心。不过班士利今季联赛曾经「双杀」锡周三，包括喺3月以4比2大破对手，证明斗攻都未必输蚀，今仗一样有信心同锡周三驳火，开入球大机会大大提高。
