荷甲周日(28日)煞科，赛前仍有希望争夺欧联资格嘅阿积士，作客以1比3不敌川迪，只能够以联赛第3名身份踢下季欧霸盃。阿积士输波後球员心情麻麻，荷兰国脚中场贝侯斯完场後返上巴士期间，更出手怒打一名川迪球迷，事後要公开道歉。
煞科战前阿积士落後燕豪芬3分，今场要赢波之外，亦要寄望燕豪芬输畀阿尔克马尔，结果阿积士唔争气输1比3，而燕豪芬就2比1赢波拎到欧联资格。当阿积士球员准备坐队巴离开之际，贝侯斯突然走向一名球迷挥拳打人，再被保安劝返上车，有关影片喺网上疯传。
31岁嘅贝侯斯冷静之後，发出公开道歉声明：「我为自己嘅行为後悔，我唔应该咁做。我次作客比赛，我哋都会听到好多攻击同威胁言论，应该早就习惯，可惜有人觉得可以肆无忌惮咁讲任何嘢，我知道我嘅行为解决唔到任何问题，系一个唔合适嘅行为，我应该作为阿积士嘅模范。」
