英国传媒报道，车路士班主保利可能缺席球队对纽卡素嘅主场谢幕战，表面理由系返咗美国处理其他事务，但真正原因坊间就有唔同揣测，可能佢费事眼冤，又或者打算减少对球队干预。
《每日电讯报》报道，按照英超传统，各队球员在主场谢幕赛事，都会向场边球迷致谢，上星期就曾发生过热刺被球迷喝倒采事件，车路士今季成绩比热刺更差，到时会否出现球迷针对班主嘅行动，到时先知。
传媒收到风，保利近日一直喺美国，虽然佢可以随时返伦敦睇波，但如果按原定计划，保利应该唔会出席车路士谢幕战，报道指，保利缺席与球迷对佢不满无关，亦唔代表佢减少对球队嘅参与度。
