纽卡素周二凌晨主场迎战「狐狸」李斯特城。纽卡素攞多1分就稳夺下届欧联入场券，射手哥林威尔逊脚风顺到冇朋友，势必火力全开，李城虽要为护级抢分，但防守劲甩辘有心无力，一於捧3.5球大盘。（Now 621周二凌晨3时直播）
纽卡素今季长居前列，依家排紧第3位，打少1场下领先第5位嘅利物浦3分，只要纽卡素今仗有分落袋，便可在煞科战前领先红军至少4分，即系提早锁定前4，重返阔别近廿载嘅欧联战场，一定搏埋佢。虽然「喜鹊」伤兵满营，近况唔错嘅积及梅菲同祖尔韦洛克都伤埋，但主帅艾迪侯域近期采用以攻代守战术，畀之前甚少同场嘅哥林威尔逊及阿历山大伊沙克齐齐挂帅，其中哥林威尔逊近6仗入8粒，弗到漏油。
狐狸防线穿窿频失波
