曼城中坚拿朴迪好大机会今夏离队，主帅哥迪奥拿正在物色新中坚，英国传媒指哥帅已经睇中一位人选，但并非豪门球星，而系效力般尼茅夫嘅马高斯辛尼斯。
现年26岁嘅马高斯辛尼斯上年夏天由荷甲球队飞燕诺加盟般尼茅夫，原本名不经传，但登陆英超之後，表现一鸣惊人，上阵29场联赛，唔止防守稳健，并有2球进帐，就算般尼茅夫成绩差，都掩盖唔到呢阿根廷国脚嘅锋芒。
据悉哥迪奥拿已经观察马高斯辛尼斯一段日子，认为佢非常适合「蓝月亮」踢法，希望将佢收归旗下。般尼茅夫愿意以2,000万镑(约1.9亿港元)出售马高斯辛尼斯，呢个数额对於曼城而言，只系湿湿碎，成事机会乐观。
