国际米兰距离欧联决赛只差半步，佢哋今季欧联有咁好成绩，喀麦隆门将奥拿拿居功至伟，准决赛首回合2比0赢AC米兰，系奥拿拿今届欧联第7场保持不失，累积43次扑救亦系今届欧联之最。国米上年夏天签入自由身嘅奥拿拿，堪称系最佳免费转会！
27岁嘅奥拿拿系巴塞隆拿青训出身，之後喺阿积士打出名堂，锺意「上脚」嘅组织型门将踢法更系佢最大卖点，佢喺今届欧联嘅「触球分布图」，覆盖晒成个禁区同一大片後场位置，犹如系一个中坚嘅控球范围，重点系佢同样做足门将本份，43次扑救系今届欧联最多扑救门将，7场不失球亦系今届欧联No.1。
奥拿拿赛後表示：「我哋已经好接近决赛，但AC米兰仍然系强大对手，我哋次回合要做好准备。」奥拿拿嘅精彩表现，据报受到英超劲旅曼联、车路士等垂青。
