曼联每次喺主场比赛，奥脱福球场包厢都有唔少球星家人撑场，中坚域陀连迪路夫老婆Maja Nilsson早前爆料，批评曼联提供嘅包厢价钱「贵到呕」，不过一众WAG's为保住面子，都会被迫就范向曼联租用。
Maja Nilsson以火辣见称，佢喺瑞典亦有自己嘅网上节目《看台上的生活》，早前就爆料话：「曼联会提供球员租用包厢嘅服务，我唔会话畀你听要几多钱，但就真系贵到呕，最惨系你如果唔租嘅话，就会喺球队入面被视为失败者，不过个包厢都好正，有自己嘅私人服务员。」
喺英国生活多年嘅Maja Nilsson，表示唔锺意畀人叫做WAG，认为「球星太太」身份系贬低佢嘅成就，因为Maja Nilsson本身系市场学专家，有自己嘅公司，亦系作家兼有网上节目：「我厌倦其他人贬低我嘅身份，人生并唔系只有足球！」
