皇家马德里周日(7日)捧走西盃冠军，72小时後又要喺欧联4强首回合大战曼城，球队并无进行庆祝活动，只系领队安察堤洛畀球员赛後放半日假。
作为球队进攻核心人物，云尼斯奥斯祖利亚当然专心备战欧联，赛後立即「叉电」，佢喺社交网自贴瞓喺「高压高氧舱」，留言：「已经准备对曼城，加油皇马！」
据西班牙《马卡报》报道，云尼斯奥斯喺西盃决赛并冇受伤，佢瞓呢个「高压高氧舱」纯粹系为咗加速身体恢复，据报透个高压环境兼加高氧气浓度，人体吸入後可以促进血液循环、刺激细胞同组织增生，加速身体恢复速度。拿度、勒邦占士、C朗拿度等精英运动员，都经常用呢个「高压高氧舱」嚟帮助比赛之间嘅复原。
