曼城上仗英超以3比0大胜韦斯咸，主帅哥迪奥拿创下新里程碑，呢位52岁西班牙名帅2016年夏天正式成为「蓝月亮」领队之後，已率领球队喺各项赛事攻入1000球，成为同期欧洲5大联赛入波最多嘅球队。
哥迪奥拿主张传控及压逼战术，踢法充满侵略性，入波数字亦非常多，其中2017/18年球季英超入咗106球，2019/20年球季即使屈居联赛亚军，但仍然入102球，比冠军利物浦多17球，上季英超入99球。
曼城今季33场英超已有87球进帐，亦属於各队之冠，今届欧联10战亦入26球，非常夸张。
此外，哥迪奥拿担任曼城主帅期间，入波第2多嘅英超球队系利物浦，达到797球，但仍然少过曼城超过200球，更加凸显「进攻狂人」哥帅嘅超卓实力。
