深受财政问题困扰嘅巴塞隆拿，今夏转会如果要作任何重大收购，先要减少至少2亿欧元(约17.34亿港元)薪酬开支，据报球会已经启动新一轮「减薪行动」，不过基斯尔、安达斯基斯坦臣等今季新加盟球员，已表明拒绝就范。
巴塞为附合财政公平条例，近年不断要求球员减薪，或者签署「先减薪後加薪」嘅合约嚟整靓盘数。据西班牙《每日体育报》报道，为实现夏天迎回美斯，球队近日再同球员倾减薪，目标包括上年夏天以自由身加盟嘅基斯尔同安达斯基斯坦臣，可惜两人都已拒绝要求。
报道指基斯尔同安达斯基斯坦臣都忠於巴塞隆拿，两人上年拒绝其他球会高薪聘约，就显示佢哋想为巴塞隆拿效力嘅决心，不过佢哋认为自己转会1年都唔够，唔应该成为「减薪行动」嘅目标，所以作出拒绝。
