入场睇波，当球队踢得差引发不满时，就会有人大叫「回水」，喺英超竟然成真，热刺球员发表联合声明，表示上仗对纽卡素大败1比6嘅表现愧对捧场球迷，决定向持票球迷「回水」，以示歉意。
热刺当日兵败如山倒，表现令人无法接受，看守领队史泰连尼赛後被炒，不过球员仍然觉得惭愧，发表声明致歉：
「作为一支球队，我哋理解球迷嘅沮丧同愤怒，依家讲咩都冇用，咁样输系好痛苦。感谢大家到场支持，我哋愿意补偿球迷喺圣占士公园球场购买门票嘅费用，我哋知道咁样改变唔到输波事实，但会尽努力喺下场对曼联扭转局面，希望大家再次到场，你哋嘅支持意味住团结一致，令我哋有动力向前发展。」
热刺搞成咁，球员联合夹钱向球迷补偿，但有分析指，热刺真正罪魁祸首，其实系主席利维，到底佢惭唔惭愧？
