C朗年初登陆沙特联赛，女友乔治娜一齐去咗当地生活，短短几个月，两人感情出现问题，传媒爆料，乔治娜去到沙特後性情大变，喺当地只顾花钱购物炫富，疏远咗C朗阿妈，令C朗愈嚟愈不满，出现分手危机。
C朗同乔治娜2016年宣布拍拖，自此两人糖黐豆形影不离，C朗亦由冇脚嘅雀仔变成专一情圣，只爱对方一个，知情人事透露，C朗近日情绪低落，问题出喺乔治娜身上。
葡萄牙电视台喺一个节目爆料，乔治娜去到沙特後，经常去奢华嘅购物广场购物，每日嘅行程只得买买买，在社交媒体炫耀，冷落身边人。
最令C朗不满嘅系，乔治娜以往对C朗阿妈言听计从，但近期却逐渐疏远，更曾发生冲突，咁搞法分手只系迟早嘅事。
