欧联8强次回合，被迫到墙角嘅车路士主场迎战皇家马德里。首回合落後0比2嘅车仔，近期已经跌落谷底，今仗系佢哋今季剩低赛事唯一目标，主场必定疯狂抢攻求创造奇迹。皇马虽然实力强横，但欧联作客表现慢热，经常早段大意失波，畀车路士先偷鸡唔出奇，车路士「第一队入球」值得一博。（Now 643周三凌晨3时直播）
车路士今季无论阵容定领队都不断转变，只可惜愈变愈差，自从林柏特回巢领军後，球队已录得3连败，争夺下季欧洲赛资格机会相当渺茫，今场基本上系球队余下唯一「有意义」嘅赛事，无论晋级难度有几大，一班球星都必拚无疑。
林柏特上任後力图改变，改踢4後衞阵式明显系想加强进攻，前线采取更简单直接嘅踢法，利用梅迪历、史达宁、祖奥菲历斯等球员嘅速度制造埋门，上仗联赛对白礼顿虽然输波，但总算打破入球荒，相信有助提升球队进攻嘅信心。
皇马拎住两球优势，心态上难免较为保守，佢哋喺欧联作客经常早段失魂，16强作客利物浦大胜5比2，但就喺开赛14分钟内连失两球；分组赛作客RB莱比锡同样喺头20分钟内被轰两粒，最後先反胜3比2，近3场欧联作客全部先失波，今仗随时被车路士先拔头筹。
